龍珠 一番籤色紙 與 皇朝君臨

龍珠30周年紀念一番籤，當中的色紙總共十六款，

按時序由悟空的童年至現在的龍珠超，各階段均由富代表性的角色擔當，

作畫質素不錯，色紙成品厚實，與簽名板差不多！

但既然是一番籤就當然要抽，要抽齊一套都頗煩人！

 

實物 Size

 

童年編

 

大魔王編 與 娜美星編

 

人造人編 與 魔人布歐編

 

神與神編 與 來至未來的SOS編

 

皇朝君臨集合了玉皇朝眾多經典角色而成，去橋快、不拖泥帶水，

劇情有驚喜，序章編的項羽結局：看破紅塵，描寫得唔錯！

當然，對經典角色的情意結，亦是其吸引的因素之一！

希望第二章飄渺無限編及之後的故事，可以做得更好！

 

今日總算有時間，可以攞出來玩下！

以前既遊戲，畫面雖然不及現時的，但遊玩性卻很強、很耐玩！

呢部紅白機Mini依家市面大把貨，不過價錢相差不少，

仲有唔少老翻，模仿度甚高，入貨要小心！

 

聖闘士星矢 マン チョコ

聖鬥士30周年紀念 マン チョコ，共分兩大種類，

關東動畫版：黃金聖鬥士編、關西漫畫版：銀河戰爭編！

一盒三十包隨機抽選，齊款各二十張，

要開幾多包至集齊一套，就要睇彩數了！

 

另有先行紀念版：包括黃金聖鬥士編及銀河戰爭編各五包，

特別既係再加一張複製簽名板，都幾別緻的！

 

關東動畫版：黃金聖鬥士編

 

 

關西漫畫版：銀河戰爭編

 

 

我就至喜歡呢幾張～

 

我的動漫小天地

生活有時難免會遇到林林種種的事宜或挑戰，尤其是工作，真的頗累人，

放左工返到屋企及休假，真係要好好Relax下！

所以我在家裡佈置了一些喜歡的動漫品，好讓心靈得以Refresh ~

 

好多唔玩玩具既人都唔明玩具係我地動漫迷心目中，除左係一件工藝品咁值得珍藏同鑑賞之外，玩具仲代表男人既一個夢想：就算現實社會無晒英雄，但只要我地仲有玩具，我地就可以同心目中既英雄緊扣住，令我地仲有動力去面對呢個殘酷既世界！

 

呢份堅持、呢班英雄，代表住現實社會漸漸消失既正義。就係因為平時係呢個世界見到及遇到太多奸人奸事，我地先要靠呢班英雄提醒自己，呢個世界仲有希望！

 

希望是任何時候都不能放棄的！
不要喪失信心，要努力奮鬥！要突破任何惡劣環境的困難，然後才有希望！

 

為了愛與正義，把生命與靈魂完全投入。現在就燃燒起來吧，黃金的小宇宙！
為這個黑暗的世界帶來一線曙光！！

  

這些是內子的～

 

 

返到呢個動漫小天地，疲累的心靈總算可以放鬆下，

小宇宙亦得以重新復甦，去面對工作！

  

祝願 各位都可以 Work-Life Balance！