耀如羿射九日落，矯如群帝驂龍翔，
來如雷霆收震怒，罷如江海凝清光！
刀劍笑咁多章節之中，我至欣賞嘅幾章故事係：紅樓夢、死囚、師徒莫問、刀決！「橫刀奪愛盜芳心，誰念紅樓綺夢柔！」紅樓夢驚夢一刀，紅娘個結局描寫得好淒美，死囚個舖排幾出人意表，「忠義者的陰謀」真係估你唔到！刀決實在打得精彩，唔係一味車來車去、係要食腦，「刀叢𥚃的詩」刀招內也貫入智謀！但我至欣賞嘅刀劍笑章節始終都係師徒莫問！無飛天遁地、無一拳打爆座山，有的是豪氣干雲的江湖俠義，結局的「恩恩怨怨盡在一刀兩斷」既貼地亦無奈！
去到第二部故事雖然稍遜，但都還可以，可惜橫刀之子橫小弟擔唔起套書，始終都要横刀出返來，情況就好似孫悟飯咁⋯ 我自求我道劇情都有點出人意表，原來邪派集結是為了消減燕敦煌，霸變魔夢拳、刀劍爭掛帥 奇招突出！「皇極驚世典 - 七大限」太上皇元宗登場雖然霸氣十足，但卻令故事力量失衡，及後描述橫公子一段實在拖得太長，使滅異族一戰未能有一氣呵成的緊湊感！復刊後的外異族驚世洞之戰寫得幾好，但之後故事便失去方向，東講講、西講講，無咗重心，到三國智先至好睇返，完結篇刀劍決、長恨戈寫得好精彩！
全套刀劍笑雖然有起有伏，但整體而言都算上乘經典，尤其係劇情方面就真係唔錯，特別係第一部，可以稱得上經典中的經典！
創刊號
殺悔、紅樓夢、八仙賀壽、名劍出鞘
死囚、師徒莫問、紫禁寨之戀
金黃色的夢、殺手樓、刀決、本是同根生
滅絕紫禁寨、脫胎換骨、情仇三十
名劍門、斷情義 問親恩
正邪決、低首尋夢、多謝你騙我
橫刀熱血冷刀鋒、我自求我道、昨天的決戰
太上皇、人間有情、皇帝的新衣
道不同、公子多情、獵人王、傷戀
滅異族、僮夢、忘恩殺人事件
煌禍、驚世之戰、真假刀劍笑、殺夫
後浪葬前浪、心血、還看今朝、魔與道
三國智、借東風、刀劍決、長恨戈
海報
刀劍笑秘卷
橫刀奪愛
橫刀歸天
經典封面全集
刀劍笑 作者 馮志明 親筆畫
刀‧劍‧笑 復刻版
原著與復刻內文比較：復刻明顯執過、文字亦然，質素算係okay.
簽名會時問過馮志明，佢話復刻版大概會三個月出版一期，
至少會出晒第一代江湖故事，每期復刻版會有十期內文，
即係十多期就會出完第一代江湖！
